გორის მუნიციპალიტეტის საბავშვო ბაღებში ახალი სასწავლო-სააღმზრდელო წელი დაიწყო.
ახალი სასწავლო წლის დაწყებასთან დაკავშირებით, სკოლამდელი აღზრდის სააგენტოს ხელმძღვანელი გიორგი შათირიშვილი, სააგენტოს თანამშრომლებთან და გორის მუნიციპალიტეტის მერიის განათლების, კულტურისა და ახალგაზრდულ საკითხთა სამსახურის ხელმძღვანელ რამაზ შიოშვილთან ერთად, მუნიციპალიტეტის საბავშვო ბაღებს ესტუმრა.
სტუმრებმა ბაღების თანამშრომლებსა და აღსაზრდელებს ახალი სასწავლო წლის დაწყება მიულოცეს, დაწესებულებებში არსებული გარემო და ინფრასტრუქტურა დაათვალიერეს და სასწავლო-სააღმზრდელო პროცესის მიმდინარეობას გაეცნენ.
შეხვედრების ფარგლებში ყურადღება გამახვილდა ბაღებში შექმნილ პირობებზე, აღსაზრდელებისთვის უსაფრთხო, კეთილმოწყობილი და განვითარებისათვის ხელსაყრელი გარემოს მნიშვნელობაზე, ასევე სასწავლო-სააღმზრდელო პროცესის ხარისხიანად წარმართვაზე.
გორის მუნიციპალიტეტის სკოლამდელი აღზრდის სააგენტო პატარებს, პედაგოგებსა და ბაღების ყველა თანამშრომელს ახალ სასწავლო-სააღმზრდელო წელს ულოცავს და წარმატებულ, საინტერესო და ნაყოფიერ წელს უსურვებს.
