საფრანგეთსა და ესპანეთში ტყის მასშტაბური ხანძრების გამო ევაკუირებულია 300 000-ზე მეტი ადამიანი. სტიქიას ორივე ქვეყანაში უკვე რამდენიმე დღეა ებრძვიან. ცეცხლის კერების ლოკალიზებას ათასობით მეხანძრე და სამხედრო ცდილობს.
ყველაზე მძიმე ვითარება საფრანგეთის სამხრეთ-დასავლეთში, ჟირონდის დეპარტამენტშია, სადაც 240 საცხოვრებელი სახლი დაიწვა. ესპანეთში კი რთული მდგომარეობაა მადრიდის მიმდებარე რეგიონებში, ასევე ავილის, ტოლედოსა და აღმოსავლეთ სანაპიროზე მდებარე კასტელონის პროვინციაში.
სტიქიასთან ბრძოლაში საფრანგეთს და ესპანეთს ევროკავშირის წევრი ქვეყნები ეხმარებიან.
