ქარელის მუნიციპალიტეტის სოფელ აბისისთავში ხელოვნურსაფარიანი მინი სტადიონის მოწყობის სამუშაოები დასრულდა.
პროექტი ქარელის მუნიციპალიტეტის ადგილობრივი ბიუჯეტის დაფინანსებით განხორციელდა. სამუშაოების ფარგლებში მოეწყო ბეტონის საძირკველი და ზეძირკველი, სტადიონის ტერიტორია შემოიღობა მოთუთიებული მავთულბადით, ლითონის კარკასზე და დაიგო ხელოვნური საფარი.
სტადიონზე ასევე დამონტაჟდა ფეხბურთის კარები, კალათბურთის ფარები და მოეწყო გარე განათების სისტემა.
ახალი სპორტული სივრცე სოფლის მოსახლეობას, განსაკუთრებით კი ახალგაზრდებს, სპორტული აქტივობებისთვის თანამედროვე და უსაფრთხო გარემოს შეუქმნის.
სამუშაოები ინდივიდუალურმა მეწარმემ „პაატა ხაჭაპურიძემ“ შეასრულა.
