ქარელის მუნიციპალიტეტის სოფელ ძლევიჯვარში საქართველოს გუნდური ჩემპიონატი ქართულ ჭიდაობაში დასრულდა. ტურნირი ოლიმპიური ჩემპიონის, შოთა ხაბარელის სახელობის იყო და მის მშობლიურ სოფელში გაიმართა.
შეჯიბრება კონკურენტულად და სანახაობრივად წარიმართა. ჩემპიონატის შედეგად გამარჯვებულთა შორის ადგილები შემდეგნაირად გადანაწილდა:
I ადგილი – თბილისი
II ადგილი – კასპი
III ადგილი – ქარელი
ტურნირში მონაწილე სპორტსმენებმა ქართული ჭიდაობის ტრადიციები და მაღალი სპორტული ოსტატობა წარმოაჩინეს.
შეჯიბრება ქართული ჭიდაობის ეროვნული ფედერაციის ორგანიზებითა და საქართველოს სპორტის სამინისტროს მხარდაჭერით გაიმართა.
