საქართველოს მე-3 სარეიტინგო ტურნირი ძიუდოში გორის მუნიციპალიტეტის სპორტის განვითარებისა და ხელშეწყობის სააგენტოს ძიუდოისტებმა წარმატებით დაასრულეს. გორელმა სპორტსმენებმა ერთი ოქროსა და ორი ბრინჯაოს მედალი მოიპოვეს.
ტურნირი 2010-2011 წლებში დაბადებულ ძიუდოისტებს შორის გაიმართა.
შეჯიბრების შედეგად პირველი ადგილი დაიკავა ზურაბ ჯანეზაშვილმა (60 კგ), რომელიც შოთა ჩოჩიშვილის სახელობის კომპლექსური სპორტული სკოლის წარმომადგენელია.
კიდევ ორმა გორელმა ძიუდოისტმა მესამე საპრიზო ადგილი დაიკავა. ზურა წკრიალაშვილმა 55 კგ წონით კატეგორიაში, ხოლო ლაშა სეხნიაშვილმა 60 კგ წონით კატეგორიაში ბრინჯაოს მედლები მოიპოვეს.
ამრიგად, გორის მუნიციპალიტეტის სპორტის განვითარებისა და ხელშეწყობის სააგენტოს ძიუდოისტების ანგარიშზე ტურნირზე ერთი პირველი და ორი მესამე ადგილია.
