ღონისძიებას გორის მუნიციპალიტეტის მერი კონსტანტინე ბუზალაძე შიდა ქართლში სახელმწიფო რწმუნებულთან სიმონ გულედანთან და საკრებულოს თავმჯდომარესთან მარლენ ნადირაძესთან ერთად დაესწრო.
გურამ პაპუაშვილი საზოგადოებისთვის ცნობილი იყო, როგორც მომღერალი და შემოქმედი. მუსიკა მისი ცხოვრების მნიშვნელოვანი ნაწილი იყო და წლების განმავლობაში თავისი შემოქმედებით თავი მთელ ქვეყანას დაამახსოვრა და შეაყვარა.
გურამ პაპუაშვილი წლების განმავლობაში გორის მუნიციპალიტეტის მერიაში მუშაობდა და თავისი პროფესიული საქმიანობით მუნიციპალიტეტის განვითარებაში მნიშვნელოვანი წვლილი შეიტანა.
საღამოზე გურამ პაპუაშვილის მეგობრებმა და კოლეგებმა კიდევ ერთხელ გაიხსენეს მასთან დაკავშირებული მოგონებები, მისი შემოქმედება და გორის საზოგადოებრივ და კულტურულ ცხოვრებაში შეტანილი წვლილი.
საღამო გორის მუნიციპალიტეტის მერიისა და შიდა ქართლში სახელმწიფო რწმუნებულის ადმინისტრაციის ორგანიზებით ჩატარდა.
