გორის მუნიციპალიტეტის საჯარო სკოლების მოსწავლეთა ნამუშევრების გამოფენა ანა ფერაძის სახელობის სამხატვრო სკოლაში დასრულდა. გამოფენაში მონაწილე მოსწავლეებს სერტიფიკატები გორის მუნიციპალიტეტის მერმა კონსტანტინე ბუზალაძემ გადასცა.
მერმა წარმოდგენილი ნამუშევრები დაათვალიერა და მოსწავლეებს შემოქმედებით საქმიანობაში წარმატებები უსურვა.
გამოფენა კონსტანტინე ბუზალაძის ინიციატივით მოეწყო და მისი მიზანი მოსწავლეთა შემოქმედებითი შესაძლებლობების წარმოჩენა, ნიჭიერი ახალგაზრდების მხარდაჭერა და სახვითი ხელოვნების პოპულარიზაცია იყო.
ექსპოზიცია დამთვალიერებლებს სამი კვირის განმავლობაში მასპინძლობდა. ღონისძიებას ადგილობრივი ხელისუფლების სხვა წარმომადგენლებიც ესწრებოდნენ.
