ვალუტა
USD 2.7143 ▲ 0.0082 EUR 2.9518 ▼ 0.0104 GBP 3.4076 ▲ 0.0031
კვირა, 22 ნოემბერი 2026
FB
tvmonitoringi
საზოგადოება

იგოეთთან ველურ ბუნებას 200 ფრინველი დაუბრუნეს – კასპის მუნიციპალიტეტში გნოლი და კაკაბი გაუშვეს

კასპის მუნიციპალიტეტში, სოფელ იგოეთის მიმდებარედ, ველურ ბუნებაში 100 გნოლი და 100 კაკაბი გაუშვეს. ინიციატივის მიზანი ადგილობრივი ფაუნის გამრავლებისა და ბუნებრივი ეკოსისტემის გამდიდრების ხელშეწყობაა.

ფრინველები გაშვებამდე ორი კვირის განმავლობაში ტყის მიმდებარედ სპეციალურად მოწყობილ ვოლიერში იმყოფებოდნენ, რათა ველურ გარემოსთან ადაპტირება მოეხდინათ. ვოლიერის მოწყობა და ფრინველების მოვლა-პატრონობა კასპის მუნიციპალიტეტის საკრებულოს მაჟორიტარმა დეპუტატმა ლევან ხუციშვილმა უზრუნველყო.

კასპის მუნიციპალიტეტში ფრინველების ბუნებრივ გარემოში დაბრუნების ტრადიციას საფუძველი გასულ წელს ჩაეყარა. პროექტისთვის ფრინველები ფონდმა „ქართუმ“ გადასცა, რომელიც წლებია ქართული ფლორისა და ფაუნის შენარჩუნებისა და განვითარების მიმართულებით არაერთ ინიციატივას აფინანსებს.

გაშვების პროცესს ესწრებოდნენ საქართველოს პარლამენტის წევრი ვლადიმერ ხინჩეგაშვილი, კასპის მუნიციპალიტეტის საკრებულოს თავმჯდომარე შოთა ბეგლარაშვილი, საქართველოს მონადირეთა და მეთევზეთა ფედერაციის თავმჯდომარე თემურ ტყემალაძე და სანადირო კლუბების — „ლეგიონის“, „მონადირისა“ და „იბერიის“ წარმომადგენლები.

ბიძინა ივანიშვილი და მისი ოჯახი წლებია აფინანსებენ იშვიათი და უნიკალური სახეობის ფრინველთა გამრავლებისა და ბუნებრივ გარემოში დაბრუნების პროექტებს. ამ მიმართულებით ერთ-ერთი მნიშვნელოვანი ინიციატივა წითელ ნუსხაში შეტანილი კოლხური ხოხბის გადარჩენას უკავშირდება. ოჯახის დაფინანსებით, საქართველოში ველურ ბუნებაში უკვე რამდენიმე ათასი კოლხური ხოხობი გაუშვეს, მათ შორის კასპის მუნიციპალიტეტშიც.

იგოეთის მიმდებარედ განხორციელებული ინიციატივაც ქართული ფაუნის შენარჩუნებისა და გამრავლებისკენ გადადგმული კიდევ ერთი ნაბიჯია.

გაზიარება Facebook X

მსგავსი სიახლეები

საზოგადოება

ქარელის სოფელ ბრეთის მეურნეობაში სპორტდარბაზამდე მისასვლელ გზას ასფალტი და საფეხმავლო ბილიკი მოეწყობა

ქარელის მუნიციპალიტეტის სოფელ ბრეთის მეურნეობაში საგზაო ინფრასტრუქტურის მოწესრიგება მიმდინარეობს. პროექტის ფარგლებში რეაბილიტაცია უტარდება სპორტდარბაზამდე მისასვლელ გზას. სამუშაოების მიმდინარეობას ქარელის მუნიციპალიტეტის…

tvmonitoringi · 1 წთ
საზოგადოება

გორში და მუნიციპალიტეტის სოფლებში სანიაღვრე არხებს წმენდენ

გორის მუნიციპალიტეტის კეთილმოწყობის სააგენტო გორიჯვრის გზაზე სანიაღვრე არხების გაწმენდის სამუშაოებს ახორციელებს. სააგენტოს ინფორმაციით, სამელიორაციო და სანიაღვრე სისტემები უკვე მოწესრიგდა მუნიციპალიტეტის…

tvmonitoringi · 1 წთ
განათლება

გორის №11 საჯარო სკოლის მშენებლობას არსებული კომპანია გააგრძელებს – სასწავლო პროცესის განახლება 2027 წლის სექტემბერში იგეგმება

გორის №11 საჯარო სკოლის მშენებლობას არსებული კონტრაქტორი კომპანია გააგრძელებს, თუმცა სამუშაოებზე მკაცრი მონიტორინგი დაწესდება. გეგმა-გრაფიკის დარღვევის შემთხვევაში კი კომპანიასთან ხელშეკრულება…

tvmonitoringi · 1 წთ

დატოვეთ კომენტარი

თქვენი ელფოსტა არ გამოქვეყნდება.