გორის ისტორიულ-ეთნოგრაფიულ მუზეუმში აფრიკის კონტინენტის ხალხთა კულტურული, ტრადიციული და რელიგიური მემკვიდრეობის ამსახველი ექსპონატების გამოფენა გაიხსნა.
გამოფენის გახსნას გორის ხელისუფლებისა და საზოგადოების წარმომადგენლები ესწრებოდნენ. ღონისძიება მუზეუმის მმართველმა, თამილა კოშორიძემ, საინტერესო ლექციით გახსნა, რომელმაც დამთვალიერებლებს აფრიკის ხალხთა კულტურისა და ტრადიციების შესახებ მეტი ინფორმაციის გაცნობის შესაძლებლობა მისცა.
ექსპოზიციამ დამსწრე საზოგადოების დიდი ინტერესი გამოიწვია.
გორის ისტორიულ-ეთნოგრაფიული მუზეუმი მადლობას უხდის ხაშურის მხარეთმცოდნეობის მუზეუმსა და შალვა დათიაშვილს, რომლის დახმარებითაც დამთვალიერებლებს ამ ძვირფასი კოლექციის ნახვის შესაძლებლობა მიეცათ.
