გორის შოთა ჩოჩიშვილის სახელობის კომპლექსური სპორტული სკოლის კარატისტები 21-23 აგვისტოს თურქეთის ქალაქ სტამბოლში საერთაშორისო ტურნირში მიიღებენ მონაწილეობას.
სტამბოლის არენაზე სხვადასხვა ასაკობრივ კატეგორიაში საქართველოს ნაკრების წარმომადგენლები კატასა და კუმიტეს მიმართულებით იასპარეზებენ.
გორიდან მედლებისთვის იბრძოლებენ დაჩი ღვინიაშვილი, გაბრიელ გაბარაევი, გიორგი მოციქულაშვილი და მედეა დარჩიძე.
გორელ სპორტსმენებს შეჯიბრებისთვის მწვრთნელი ლევან სადაღაშვილი ამზადებს.
გორის სპორტული სკოლის წარმომადგენლებს ტურნირზე წარმატებებს ვუსურვებთ.
