ქუთაისში, მურად დოხტურიშვილისა და ზაურ შეყილაძის სახელობის XVII საერთაშორისო ტურნირზე თავისუფალ ჭიდაობაში, გორის ნუგზარ სხირელის სახელობის ჭიდაობის სკოლის გუნდმა 18 მედალი მოიპოვა.
17-19 ოქტომბერს გამართულ შეჯიბრებაში საქართველოს სხვადასხვა ქალაქისა და რეგიონის 2007-2009 და 2015-2016 წლებში დაბადებული მოჭიდავეები მონაწილეობდნენ.
გორელმა სპორტსმენებმა ტურნირი 9 ოქროს, 3 ვერცხლისა და 6 ბრინჯაოს მედლით დაასრულეს.
2007-2009 წლებში დაბადებულთა შორის ოქროს მედლები რატი რევაზიშვილმა და ნიკა მაისურაძემ მოიპოვეს. ვერცხლის მედლები საბა მინდიაშვილსა და გიორგი სიჭინავას ერგოთ, ბრინჯაოს მედლები კი — გიორგი წურიაშვილს, აკაკი მაზმიშვილს, გიგა ოთინაშვილსა და გურამ ქოთუაშვილს.
2015-2016 წლებში დაბადებულთა შორის პირველი ადგილები ბექა ბერიანიძემ, ნიკა ბერიანიძემ, დაჩი კარელიძემ, თომა პაპიტაშვილმა, გიორგი კარელიძემ, გაბრიელ ჩინჩრიკმა და ვანო კახნიშავილმა დაიკავეს. ვერცხლის მედალი დანიელ გალეგაშვილმა მოიპოვა, ბრინჯაოს მედლები კი ანდრია მახარაშვილსა და გაბრიელ კაკაურიძეს ერგოთ.
