18 წლის სპორტსმენმა ტურნირზე რამდენიმე შთამბეჭდავი გამარჯვება იზეიმა. პეტრიაშვილმა ირანელ ნოორის 11:0, ყირგიზეთის წარმომადგენელ ყიგიზ ახმეტოვს კი 10:0 სძლია.
ერთადერთი მარცხი ქართველმა ფალავანმა რუსეთის ნაკრების წარმომადგენელთან დაძაბულ ბრძოლაში განიცადა — შეხვედრა ანგარიშით 7:8 დასრულდა.
ბრინჯაოს მედლისთვის ბრძოლაში პეტრიაშვილმა ბერძენ კარავანოსს 13:0 მოუგო და მსოფლიო ჩემპიონატზე მესამე ადგილი დაიკავა.
აღსანიშნავია, რომ პეტრიაშვილი ასაკით ჯერ კიდევ 18 წლისაა და ახალგაზრდულ ჩემპიონატზე ასპარეზობდა, თუმცა ტურნირზე მასზე ასაკით უფროს მეტოქეებთან უწევდა ბრძოლა.
კონსტანტინე პეტრიაშვილმა მიმდინარე წელს ამ ასაკობრივ კატეგორიაში ევროპის ჩემპიონატიც მოიგო. მსოფლიო ჩემპიონატის ბრინჯაოს მედლით კი წარმატებულ სეზონს კიდევ ერთი მნიშვნელოვანი შედეგი შემატა.
