გორის გურამ პაპიტაშვილის სახელობის ჭიდაობის კომპლექსური სპორტული სკოლის მოჭიდავეებმა ბორჯომის მუნიციპალიტეტის სოფელ ახალდაბაში გამართულ ოლეგ ლომიძის სახელობის ტრადიციულ ტურნირზე იასპარეზეს და გუნდურ პირველობაში ჩემპიონობა მოიპოვეს.
ტურნირი ყოველწლიურად იმართება და წელს მასში მონაწილეობა 2010-2012 წლებში დაბადებული სპორტსმენებით დაკომპლექტებულმა ათამდე გუნდმა მიიღო. შეჯიბრება ახალდაბის საჭიდაო არენაზე გაიმართა, სადაც ახალგაზრდებმა მაღალი დონის შეხვედრები გამართეს.
ფინალურ დაპირისპირებაში გორის გუნდმა თბილისის წარმომადგენლებს სძლია და დამსახურებულად დაეუფლა ტურნირის მთავარ ჯილდოს. გამარჯვებულ სპორტსმენებს თასი, მედლები და ფულადი ჯილდო გადაეცათ, ხოლო ჩემპიონი გუნდი თავად ოლეგ ლომიძემ დააჯილდოვა.
გორის გუნდის ღირსებას იცავდნენ:
- 50 კგ – სანდრო გოგიაშვილი;
- 60 კგ – ლაშა სეხნიაშვილი;
- 65 კგ – ზურა ჯანეზაშვილი;
- 75 კგ – გივი თაბუაშვილი;
- +75 კგ – გიორგი წურიაშვილი.
გუნდს მწვრთნელები ვეფხია ბაზანდარაშვილი და კახა თათრიშვილი ხელმძღვანელობდნენ.
გორის მოჭიდავეების წარმატება კიდევ ერთხელ ადასტურებს, რომ ქალაქში ქართული ჭიდაობის სკოლა ღირსეულ თაობას ზრდის და ქვეყნის მასშტაბით ერთ-ერთ ლიდერ პოზიციას ინარჩუნებს.
