სურსათის ეროვნული სააგენტოს შიდა ქართლის დეპარტამენტის ინსპექტორებმა კასპის მუნიციპალიტეტის სოფელ ფერმაში არაგეგმური ინსპექტირების შედეგად არალეგალური ფრინველთა სასაკლაო გამოავლინეს.
სააგენტოს ინფორმაციით, ინდმეწარმე სურსათის უვნებლობის მოთხოვნების დარღვევით, ეკონომიკურ საქმიანობათა რეესტრში რეგისტრაციისა და სავალდებულო აღიარების გარეშე ახორციელებდა საქმიანობას.
გამოვლენილი დარღვევების გამო მეწარმე კანონმდებლობის შესაბამისად დაჯარიმდა, ხოლო საწარმოო პროცესი შეუჩერდა.
სურსათის ეროვნული სააგენტოში აცხადებენ, რომ ქვეყნის მასშტაბით არალეგალური საწარმოებისა და სასაკლაოების გამოვლენა აქტიურად გრძელდება და ბიზნესოპერატორებს მოუწოდებენ, საქმიანობა მხოლოდ კანონმდებლობით დადგენილი მოთხოვნების დაცვით განახორციელონ.
