მრავალწლიანი პაუზის შემდეგ, საფეხბურთო სკოლა „გორს“ II კატეგორია მიენიჭა.
გადაწყვეტილება საქართველოს ფეხბურთის ფედერაციამ სკოლის მიერ წარმოდგენილი დოკუმენტაციისა და შეფასების შედეგების საფუძველზე მიიღო.
II კატეგორიის მინიჭება ადასტურებს, რომ საფეხბურთო სკოლა აკმაყოფილებს ფედერაციის მიერ დადგენილ სტანდარტებს, რაც ახალგაზრდული ფეხბურთის განვითარების, სასწავლო-საწვრთნელი პროცესის გაუმჯობესებისა და ინფრასტრუქტურის შემდგომი განვითარების მნიშვნელოვანი წინაპირობაა.
აღნიშნული სტატუსის მიღება „გორის“ საფეხბურთო სკოლისთვის მნიშვნელოვანი წარმატებაა და მომავალში ფეხბურთელების განვითარებისა და ახალი შესაძლებლობების შექმნას შეუწყობს ხელს.
