სურსათის ეროვნული სააგენტო ქვეყნის მასშტაბით სამომხმარებლო ბაზარზე არსებული ბაღჩეული კულტურების – საზამთროსა და ნესვის – ნიტრატების შემცველობას ამოწმებს.
მონიტორინგის სახელმწიფო კონტროლის პროგრამის ფარგლებში, სხვადასხვა სარეალიზაციო ობიექტიდან აღებული და აკრედიტებულ ლაბორატორიაში გამოკვლეულია საზამთროსა და ნესვის 50 ნიმუში.
კვლევის შედეგების მიხედვით, არც ერთ ნიმუშში ნიტრატების შემცველობა კანონმდებლობით დადგენილ დასაშვებ ნორმას არ აღემატება. დასაშვები ზღვარი საზამთროსთვის 60 მგ/კგ-ს, ხოლო ნესვისთვის 90 მგ/კგ-ს შეადგენს.
სურსათის ეროვნული სააგენტოს ინფორმაციით, სეზონის განმავლობაში ბაღჩეული კულტურების ხარისხის კონტროლი და ლაბორატორიული კვლევები რეგულარულად გაგრძელდება.
