22 აგვისტოს, გორის მუნიციპალიტეტის სოფელ შინდისის საჭიდაო არენაზე, შინდისის გმირების ხსოვნისადმი მიძღვნილი ტრადიციული ტურნირი გაიმართება ქართულ ჭიდაობაში.
შეჯიბრებაში საქართველოს სხვადასხვა რეგიონიდან უფროსი ასაკის მოჭიდავეები მიიღებენ მონაწილეობას. სპორტსმენები პირველობისთვის 60, 70, 80 და +80 კილოგრამ წონით კატეგორიებში იბრძოლებენ.
ტურნირი 10:00 საათზე დაიწყება, ხოლო მონაწილეთა აწონვა 09:00 საათზე გაიმართება. დასაშვები გადახრა 2 კილოგრამია.
გამარჯვებულები და პრიზიორები ფულადი პრიზებით დაჯილდოვდებიან:
60, 70 და 80 კგ წონითი კატეგორიები
- I ადგილი – 1 250 ლარი
- II ადგილი – 625 ლარი
- III ადგილი – 375 ლარი
+80 კგ წონითი კატეგორია
- I ადგილი – 2 500 ლარი
- II ადგილი – 1 250 ლარი
- III ადგილი – 625 ლარი
ტურნირის ორგანიზატორები არიან საქართველოს სპორტის სამინისტრო, საქართველოს ქართული ჭიდაობის ეროვნული ფედერაცია, გორის მუნიციპალიტეტის მერია და გორის მუნიციპალიტეტის სპორტის განვითარებისა და ხელშეწყობის სააგენტო.
შეჯიბრება მიზნად ისახავს შინდისის გმირების ხსოვნის პატივისცემას, ქართული ჭიდაობის პოპულარიზაციასა და სპორტსმენებისთვის მაღალი დონის შეჯიბრების უზრუნველყოფას.
