ახალგაზრდობის საერთაშორისო დღისადმი მიძღვნილი ღონისძიებების ფარგლებში, ხაშურში მოყვარულთა შორის მინი ფეხბურთში ტრადიციული ტურნირი „დურუს თასი 2026“ გაიმართა.
ტურნირი გარდაცვლილი ახალგაზრდა ფეხბურთელის, დავით გოჩიაშვილის ხსოვნას ეძღვნება.
ფინალურ შეხვედრაში ერთმანეთს გუნდები „დურუ 1“ და „Warriors“ დაუპირისპირდნენ. გამარჯვება „დურუ 1“-მა მოიპოვა და დურუს გარდამავალ თასს დაეუფლა. მესამე ადგილი კი გუნდმა „დურუ 2“-მა დაიკავა.
გამარჯვებულებსა და საპრიზო ადგილზე გასულ გუნდებს პრიზები და შესაბამისი სინჯის მედლები ხაშურის მუნიციპალიტეტის მერმა პაატა ჩადუნელმა, მერიის განათლების, კულტურისა და სპორტის სამსახურის ხელმძღვანელმა კონსტანტინე ფრუიძემ, სპორტის განყოფილების ხელმძღვანელმა ბესიკ გაჩეჩილაძემ, ხაშურის სასპორტო სკოლის დირექტორმა ივანე ხარაზიშვილმა და ვეტერანმა სპორტსმენებმა გადასცეს.
ტურნირის საუკეთესო მეკარის პრიზი სიმონ ხაჩიძეს გადაეცა, ხოლო საუკეთესო მოთამაშედ „დურუ 1“-ის ფეხბურთელი ზურა აბრამაშვილი დასახელდა.
დავით გოჩიაშვილის სახელობის დურუს გარდამავალი თასი „დურუ 1“-ის ფეხბურთელებს დავით გოჩიაშვილის მამამ, თენგიზ გოჩიაშვილმა გადასცა.
