გორის მუნიციპალიტეტის სპორტის განვითარებისა და ხელშეწყობის სააგენტოში ახალი სასწავლო-საწვრთნელი წელი 16 სექტემბერს დაიწყება. სააგენტოს შემადგენლობაში შემავალ ხუთივე სასპორტო სკოლაში ვარჯიშები სპორტის 22 სახეობაში გაიმართება.
სასწავლო-საწვრთნელი პროცესი, გასული წლების მსგავსად, წელსაც უფასო იქნება. სპორტსმენებს სხვადასხვა რეგიონში გასამართ შეჯიბრებებზე სააგენტო უზრუნველყოფს მგზავრობით, კვებითა და სასტუმროთი.
სპორტსმენებთან სასპორტო სკოლებში მაღალი კვალიფიკაციის სპეციალისტები და ტიტულოვანი სპორტსმენების აღმზრდელი მწვრთნელები მუშაობენ.
ვარჯიშის მსურველებს შესაძლებლობა აქვთ, აირჩიონ სასურველი სპორტის სახეობა და მიმართონ შესაბამის სასპორტო სკოლას.
შოთა ჩოჩიშვილის სახელობის კომპლექსური სპორტული სკოლა
სპორტის სახეობები: ძიუდო, თავისუფალი ჭიდაობა, ქართული ჭიდაობა, სამბო, კრივი, კიკბოქსინგი, კალათბურთი, ფრენბურთი, ხელბურთი, რაგბი, მკლავჭიდი, კარატე, ტაეკვონდო, ტანვარჯიში, ჭადრაკი, მძლეოსნობა, ძალოსნობა, ჩოგბურთი, მაგიდის ჩოგბურთი, შერეული საბრძოლო ხელოვნება, ალპინიზმი და კუდო.
მისამართი: გორი, სტალინის ქუჩა №11
ტელ.: 551 172 738; 577 642 342
გურამ პაპიტაშვილის სახელობის ჭიდაობის კომპლექსური სპორტული სკოლა
სპორტის სახეობები: ძიუდო, ქართული ჭიდაობა, სამბო.
მისამართი: გორი, მშვიდობის ქუჩა №12ა
ტელ.: 577 601 105
ნუგზარ სხირელის სახელობის ჭიდაობის სკოლა
სპორტის სახეობა: თავისუფალი ჭიდაობა.
მისამართი: ძმები რომელაშვილების ქუჩა №186
ტელ.: 593 405 705; 577 775 924
ავთანდილ შოშიაშვილის სახელობის კრივის სპეციალიზებული სპორტული სკოლა
მისამართი: გორი, სტალინის ქუჩა №11ა
ტელ.: 555 130 813
ვარიანის გიორგი კანდელაკის სახელობის კრივის სკოლა
მისამართი: გორის მუნიციპალიტეტის სოფელი ვარიანი
ტელ.: 577 775 841
სასპორტო სკოლაში ვარჯიშის მსურველებმა, სასურველი სახეობის შერჩევის შემდეგ, შესაბამისი სკოლის ადმინისტრაციაში უნდა წარადგინონ განცხადება, დაბადების მოწმობის ასლი, ჯანმრთელობის ცნობა – ფორმა №100 და ორი ფოტოსურათი, ზომით 3×4.
დამატებითი ინფორმაციის მისაღებად მოქალაქეებს შეუძლიათ, მიმართონ მათ მიერ შერჩეულ სასპორტო სკოლას მითითებულ საკონტაქტო ნომერზე.
