ქარელის მუნიციპალიტეტის სოფელ ჭანდრებში შიდა საუბნო გზის მოწესრიგების სამუშაოები აქტიურად მიმდინარეობს.
პროექტის ფარგლებში დაგეგმილია დაახლოებით 120 მეტრი არმირებული რკინა-ბეტონის გზის მოწყობა, ასევე გზასთან მიერთებებისა და ეზოებში შესასვლელების კეთილმოწყობა. პროექტი ასევე ითვალისწინებს გზის გვერდულების ქვიშა-ხრეშოვანი ნარევით შევსებას.
საგზაო ინფრასტრუქტურის მოწესრიგების სამუშაოები „სოფლის მხარდაჭერის პროგრამისა“ და ქარელის მუნიციპალიტეტის ადგილობრივი ბიუჯეტის თანადაფინანსებით ხორციელდება.
პროექტის განხორციელება ადგილობრივი მოსახლეობისთვის გადაადგილებას უფრო უსაფრთხოსა და კომფორტულს გახდის და სოფლის ინფრასტრუქტურის გაუმჯობესებას შეუწყობს ხელს.
სამუშაოების მიმდინარეობას ქარელის მუნიციპალიტეტის მერი ზაზა გულიაშვილი და ადგილობრივი ხელისუფლების წარმომადგენლები გაეცნენ.
პროექტს შპს „თაია ჯგუფი 1“ ახორციელებს.
