ქარელის მუნიციპალიტეტის სოფელ კნოლევში შიდა სასოფლო გზის მოწყობის სამუშაოები დასრულდა.
ქარელის მუნიციპალიტეტის ადგილობრივი ბიუჯეტის დაფინანსებით განხორციელებული პროექტის ფარგლებში დაიგო 152 გრძივი მეტრი არმირებული რკინა-ბეტონის გზის საფარი. ასევე მოეწყო ეზოებში შესასვლელები და გზასთან მიერთებები.
განხორციელებული სამუშაოები ადგილობრივი მოსახლეობისთვის გადაადგილებას უფრო უსაფრთხოსა და კომფორტულს გახდის.
პროექტი ქარელის მუნიციპალიტეტის ადგილობრივი ბიუჯეტიდან დაფინანსდა, ხოლო სამუშაოები შპს „თაია ჯგუფი 1“-მა შეასრულა.
