გორის მუნიციპალიტეტის კეთილმოწყობის სააგენტო სკვერებისა და მწვანე სივრცეების მოვლა-პატრონობის მიზნით სხვადასხვა სახის სამუშაოებს ყოველდღიურად ახორციელებს.
სააგენტოს თანამშრომლები ქალაქის ტერიტორიაზე ბალახს თიბავენ, მცენარეებს რწყავენ, ხეებს სხვლა-გადაბელვასა და შეწამვლას უტარებენ. ასევე მიმდინარეობს ნიადაგის დამუშავების სამუშაოები.
კეთილმოწყობის სააგენტოში აცხადებენ, რომ სამუშაოები მუნიციპალიტეტის მასშტაბით ეტაპობრივად გაგრძელდება.
მიმდინარე სამუშაოების მიზანია მწვანე სივრცეების სათანადო მოვლა-პატრონობა, მათი სისუფთავისა და იერსახის შენარჩუნება.
