12 აგვისტოს საქართველოში სახალხო დღესასწაული დიდგორობა აღინიშნა. დიდგორის ბრძოლიდან, რომელსაც საქართველოს ისტორიაში განსაკუთრებული მნიშვნელობა აქვს, 905 წელი შესრულდა.
სახალხო დღესასწაული „დიდგორობა“ თეთრიწყაროს მუნიციპალიტეტში, დიდგორის ველზე, ღია ცის ქვეშ გაიმართა.
ტრადიციულად, ღონისძიებაში კასპის მუნიციპალიტეტიც მონაწილეობდა. სტუმრებისთვის წარმოდგენილი იყო სპეციალური კუთხე, სადაც ქართული რეწვისა და ხელოვნების ნიმუშები, ხალხური საკრავები და სხვა საინტერესო ექსპონატები გამოიფინა.
საკონცერტო პროგრამაში მონაწილეობდნენ კასპის მამაკაცთა ფოლკლორული ანსამბლი „მოურავი“ და ხალხურ საკრავთა ბავშვთა ანსამბლი „კავთურა“.
ღონისძიებას კასპის მუნიციპალიტეტის ადგილობრივი თვითმმართველობის წარმომადგენლებიც ესწრებოდნენ.
დიდგორობა ქართული ისტორიის, ეროვნული ერთიანობისა და გამარჯვების სიმბოლოსადმი მიძღვნილი ერთ-ერთი მნიშვნელოვანი სახალხო დღესასწაულია.
