ქარელის მუნიციპალიტეტის სოფელ ქვემო ხვედურეთში შიდა საუბნო გზის მოწესრიგების სამუშაოები აქტიურად მიმდინარეობს.
სამუშაოების მიმდინარეობას ქარელის მუნიციპალიტეტის მერი ზაზა გულიაშვილი და ადგილობრივი ხელისუფლების წარმომადგენლები გაეცნენ.
პროექტის ფარგლებში მოეწყობა 106 გრძივი მეტრი რკინა-ბეტონის საფარი, ასევე გზასთან მიერთებები და ეზოებში შესასვლელები. ამ ეტაპზე დასრულებულია გზის საფუძვლის მოწყობა და მიმდინარეობს არმირებული ბეტონის საფარის დაგება.
პროექტი „სოფლის მხარდაჭერის პროგრამისა“ და ქარელის მუნიციპალიტეტის ადგილობრივი ბიუჯეტის თანადაფინანსებით ხორციელდება.
სამუშაოებს ინდივიდუალური მეწარმე „ვასილ რიკაძე“ ასრულებს.
