ხაშურის მუნიციპალიტეტის სოფელ ქაშვეთში დამეწყრილი გზის მონაკვეთზე გაბიონის მოწყობის სამუშაოები მიმდინარეობს. პროექტის მიზანია გზის გამაგრება, მოსახლეობის უსაფრთხო გადაადგილების უზრუნველყოფა და სტიქიური მოვლენების შესაძლო რისკების შემცირება.
სამუშაოების მიმდინარეობას ადგილზე ხაშურის მუნიციპალიტეტის მერი პაატა ჩადუნელი, მერიისა და საკრებულოს წარმომადგენლებთან ერთად გაეცნო.
როგორც მუნიციპალიტეტის მერმა აღნიშნა, გაბიონის მოწყობა განსაკუთრებით მნიშვნელოვანია იმ მონაკვეთისთვის, სადაც გზის ნაწილი დაზიანებული და დამეწყრილია.
„გაბიონის მოწყობა დამეწყრილი გზის მონაკვეთზე მიმდინარეობს. შესაბამისად, პროექტის განხორციელება ძალიან მნიშვნელოვანია როგორც მოქალაქეთა და ავტოსატრანსპორტო საშუალებების უსაფრთხო გადაადგილებისთვის, ისე შესაძლო სტიქიის პრევენციის მიმართულებით“, – განაცხადა პაატა ჩადუნელმა.
პროექტის ფარგლებში დამეწყრილი მონაკვეთის გამაგრება და შესაბამისი ინფრასტრუქტურის მოწყობა ხორციელდება, რაც გზის მდგრადობის გაუმჯობესებას და სამომავლოდ ტერიტორიის დამატებითი დაზიანების პრევენციას შეუწყობს ხელს.
პროექტის ღირებულება 56 761 ლარს შეადგენს. სამუშაოები სახელმწიფო ბიუჯეტის დაფინანსებით ხორციელდება.
