გორის მუნიციპალიტეტში, ნადარბაზევის ტბის მიმდებარე ტერიტორიაზე, საცხენოსნო დოღი გაიმართა, რომელშიც საქართველოს სხვადასხვა მუნიციპალიტეტიდან ჩამოსულმა ცხენოსნებმა მიიღეს მონაწილეობა.
შეჯიბრება სპორტულ სანახაობასთან ერთად, ცხენოსნობის პოპულარიზაციასა და ახალგაზრდებში ამ სახეობის მიმართ ინტერესის გაზრდას ემსახურებოდა.
დოღის გამარჯვებულები ფულადი პრიზებით, თასებითა და მედლებით დაჯილდოვდნენ, ხოლო ყველა მონაწილეს სამახსოვრო სიგელი გადაეცა.
ღონისძიების ორგანიზატორების განცხადებით, საცხენოსნო დოღის მიზანია საქართველოში ცხენოსნობის პოპულარიზაცია, სპორტის ამ სახეობაში ახალგაზრდების მეტი ჩართულობის ხელშეწყობა და საცხენოსნო კულტურის განვითარება.
საცხენოსნო დოღი შიდა ქართლის სახელმწიფო რწმუნებულის ადმინისტრაციის მხარდაჭერით, გორის მუნიციპალიტეტის მერიისა და სპორტულ-გამაჯანსაღებელი და სარეაბილიტაციო საცხენოსნო კლუბ „კენტავრის“ თანადაფინანსებით გაიმართა.
