ქარელის მუნიციპალიტეტის სოფელ წვერში შიდა საუბნო გზის რეაბილიტაციის სამუშაოები მიმდინარეობს.
პროექტი რეგიონში განსახორციელებელი პროექტების ფონდისა და ქარელის მუნიციპალიტეტის ადგილობრივი ბიუჯეტის თანადაფინანსებით ხორციელდება.
სამუშაოების ფარგლებში დაგეგმილია 1,047 კილომეტრი ასფალტობეტონის საფარის, გზის მიერთებების, ეზოებში შესასვლელებისა და ხელოვნური ნაგებობების მოწყობა.
ამ დროისთვის მოწყობილია გზის საფუძველი და საფარის ქვედა ფენა. პარალელურად მიმდინარეობს ასფალტობეტონის საფარის ზედა ფენის დაგება წვრილმარცვლოვანი ასფალტობეტონით.
სამუშაოების მიმდინარეობას ადგილზე გაეცნენ ქარელის მუნიციპალიტეტის მერი ზაზა გულიაშვილი და ადგილობრივი ხელისუფლების წარმომადგენლები.
პროექტს „ამხანაგობა გზა 2023“ ახორციელებს.
