,,გორის მერიიდან თანამშრომელი სამსახურიდან გავიდა შესვენებაზე და დაბრუნებული აღარ შეუშვეს, გათავისუფლებული ხარო “ - წერს ადამიანის უფლებათა ცენტრის იურისტი სოციალურ ქსელში. როგორც ,,ტვ მონიტორინგმა“ გაარკვია გათავისუფლებული თანამშრომელი დავით ჭალიძეა, რომელიც მერიის ზედამხედველობის სამსახურში იყო დასაქმებული. როგორც ჭალიძე ამბობს, გათავსუფლების მიზეზი მისთვის არ განუმარტავთ და ამ დრომდე არ იცის, რატომ ან ვინ მიიღო აღნიშნული გადაწყეტილება.  იგი ვარაუდობს, რომ მასზე იმ კრიტიკული კომენტარების გამო იძიეს შური, რომლებსაც ბოლო პერიოდის განმავლობაში ,,ქართული ოცნების“ მისამართით სოციალურ ქსელში წერდა. ის მერის წინააღმდეგ სამართლებრივი დავის დაწყებას გეგმავს.,,ტვ მონიტორინგს„ ხელში ჩაუარდა ის დოკუმენტი, სადაც იმ პირთა სახელები და გვარები წერია, რომელებიც სახლში იქამდე გაუშვეს, ვიდრე ჭალიძეს გაათავისუფლებდნენ.