გორში გიორგი ხინჩეგაშვილის ხსოვნისადმი მიძღვნილი მემორიალური საერთაშორისო ტურნირი გაიმართა თავისუფალ ჭიდაობაში, ჭაბუკებს შორის. შეჯიბრებას გორის მუნიციპალიტეტის მერი კონსტანტინე ბუზალაძე დაესწრო.
ტურნირში სხვადასხვა ქვეყნის სპორტსმენები 10 წონით კატეგორიაში ასპარეზობდნენ. საერთო შედეგებით, პირველი ადგილი გორის მუნიციპალიტეტის სპორტის განვითარებისა და ხელშეწყობის სააგენტოს გუნდმა დაიკავა.
გორელმა მოჭიდავეებმა 4 ოქროს, 2 ვერცხლისა და 2 ბრინჯაოს მედალი მოიპოვეს.
ოქროს მედლები: თორნიკე დვალიშვილი (45 კგ), ზურაბ დოთიაშვილი (55 კგ), გიორგი ლობჟანიძე (60 კგ) და ზუკა წინამძღვრიშვილი (71 კგ).
ვერცხლის მედლები: გიორგი ქარელი (55 კგ) და ავთანდილ კახიაშვილი (110 კგ).
ბრინჯაოს მედლები: დავით ბრეგვაძე (80 კგ) და ანდრია დოიჯაშვილი (92 კგ).
ტურნირის მხარდამჭერი საქართველოს ჭიდაობის ეროვნული ფედერაცია იყო.
გიორგი ხინჩეგაშვილი გორის თავისუფალი ჭიდაობის სკოლის აღზრდილი, ახალგაზრდებსა და ჭაბუკებს შორის მსოფლიოსა და ევროპის ჩემპიონი იყო. იგი 1999 წელს გარდაიცვალა. მისი ხსოვნისადმი მიძღვნილი მემორიალური ტურნირი 2016 წელს, პირადი მწვრთნელის, ნუგზარ სხირელის ინიციატივით დაარსდა.
