გორის მუნიციპალიტეტის სოფლებში სამელიორაციო და სანიაღვრე არხების გაწმენდითი სამუშაოები აქტიურად მიმდინარეობს.
სამუშაოების ფარგლებში ამ ეტაპზე არხების გაწმენდა განხორციელდა ხიდისთავში, არაშენდაში, ზემო და ქვემო ნიქოზში, ტყვიავში, სათემოში, მერეთში, კარალეთში, მეჯვრისხევში, თედოწმინდაში, ზერტსა და ვარიანში.
სამუშაოების შედეგად მოწესრიგდა ასევე სავარგულებამდე მისასვლელი გზები მუმლაანთკარსა და თედოწმინდაში, რაც ადგილობრივ ფერმერებს სასოფლო-სამეურნეო ნაკვეთებთან გადაადგილებას გაუმარტივებს.
სამელიორაციო და სანიაღვრე ინფრასტრუქტურის მოწესრიგება სოფლებში სასოფლო-სამეურნეო სამუშაოებისთვის საჭირო პირობების გაუმჯობესებასა და უხვი ნალექის დროს წყლის დაგუბების რისკების შემცირებას ემსახურება.
