გორის მუნიციპალიტეტში დასუფთავებისა და ტერიტორიის მოწესრიგების სამუშაოები სხვადასხვა ლოკაციაზე გრძელდება.
სამუშაოების ფარგლებში მოწესრიგდა კვერნაკის სასაფლაო, მისი მიმდებარე ტერიტორია და მისასვლელი გზები. ასევე, მუნიციპალიტეტის მასშტაბით რამდენიმე ტერიტორია სტიქიურად დაყრილი ნარჩენებისგან გაიწმინდა.
პარალელურად, ქალაქის ქუჩებში მორწყვისა და მორეცხვის სამუშაოები მიმდინარეობს. სპეციალური ტექნიკის გამოყენებით, საავტომობილო გზების წყლის ჭავლით მორეცხვა დილის საათებში ხორციელდება.
დასუფთავებისა და ქუჩების მოვლის სამუშაოები მიზნად ისახავს მუნიციპალიტეტში სუფთა, მოწესრიგებული და კომფორტული გარემოს უზრუნველყოფას.
