გორის მუნიციპალიტეტის კეთილმოწყობის სააგენტო გორიჯვრის გზაზე სანიაღვრე არხების გაწმენდის სამუშაოებს ახორციელებს.
სააგენტოს ინფორმაციით, სამელიორაციო და სანიაღვრე სისტემები უკვე მოწესრიგდა მუნიციპალიტეტის სოფლებში: ქვიში, გარეჯვარში, ახალდაბაში, რეხაში, მეჯვრისხევსა და კირბალში. წყალგამტარი არხები გაიწმინდა ქალაქის მასშტაბითაც.
პარალელურად, შიდა საუბნო გზების მოწესრიგების სამუშაოები ჩატარდა სოფლებში ზერტში, მეჯვრისხევსა და დიცში, ასევე გორიჯვარში. გზები მოსწორდა და მოიხრეშა.