კასპის მუნიციპალიტეტის სოფელ ზემო ხანდაკში ორ უბანს შორის დამაკავშირებელი 135-მეტრიანი გზის მოწყობის სამუშაოები დასასრულს უახლოვდება.
პროექტის ფარგლებში გზის მონაკვეთზე რკინა-ბეტონის სადრენაჟო არხი და ეზოებში შესასვლელები მოეწყობა, ასევე იგება არმირებული ბეტონის გზა.
საგზაო ინფრასტრუქტურის მოწესრიგება „სოფლის მხარდაჭერის პროგრამის“ ფარგლებში, ცენტრალური და ადგილობრივი ბიუჯეტების თანადაფინანსებით ხორციელდება.
პროექტის დასრულების შემდეგ ადგილობრივ მოსახლეობას ორ უბანს შორის გადაადგილება უფრო კომფორტულ და უსაფრთხო პირობებში შეეძლება.
განახლებული გზა სოფლის ინფრასტრუქტურის გაუმჯობესებასა და ადგილობრივი მოსახლეობისთვის ყოველდღიური გადაადგილების პირობების გაუმჯობესებას შეუწყობს ხელს.
