შიდა ქართლის სახელმწიფო რწმუნებული სიმონ გულედანი ხაშურის მუნიციპალიტეტის მერთან პაატა ჩადუნელთან და ადგილობრივი თვითმმართველობის წარმომადგენლებთან ერთად ხაშურში მიმდინარე ინფრასტრუქტურულ სამუშაოებს გაეცნო.
ამ ეტაპზე აქტიურ რეჟიმში მიმდინარეობს კოსტავას, ყიფიანისა და ლომოურის ქუჩების რეაბილიტაცია. პროექტების ფარგლებში იგება ასფალტის საფარი, ეწყობა სანიაღვრე არხები და ტროტუარები, ასევე მონტაჟდება თანამედროვე გარე განათების სისტემა.
კოსტავას ქუჩის რეაბილიტაცია თანადაფინანსებით ხორციელდება, რომლის საერთო ღირებულება 1 751 945 ლარს შეადგენს. ყიფიანის ქუჩის რეაბილიტაციისთვის 477 014 ლარია გამოყოფილი, ხოლო ლომოურის ქუჩის სარეაბილიტაციო სამუშაოები სრულად სახელმწიფო ბიუჯეტიდან ფინანსდება და პროექტის ღირებულება 1 110 000 ლარს შეადგენს.
პროექტების დასრულების შემდეგ ადგილობრივი მოსახლეობა განახლებულ, უსაფრთხო და თანამედროვე სტანდარტების შესაბამისი საგზაო ინფრასტრუქტურით ისარგებლებს.
