აქციის ფარგლებში, სოფლის ამბულატორიაში ადგილობრივ მოსახლეობას სხვადასხვა მიმართულების ექიმებმა კვალიფიციური სამედიცინო კონსულტაციები გაუწიეს.
პაციენტებს კონსულტაციები ჩაუტარეს კარდიოლოგებმა ხათუნა ბერინაშვილმა და აიშა მამედოვამ, ოფთალმოქირურგმა ბესო ჭელიძემ, ოფთალმოლოგმა ნანა ბესტავაშვილმა, ორთოპედ-ტრავმატოლოგმა გია მიქელაძემ და ქირურგმა, კლინიკის მენეჯერმა მამუკა კორინთელმა.
აქციაში პირადად მონაწილეობდა გადაუდებელი მედიცინის დეპარტამენტის ხელმძღვანელი და „ჰოსპიტალური ქსელი მედალფას“ კასპის კლინიკის დირექტორი ნოდარ მახარაძე.
აქციის მიმდინარეობას კასპის მუნიციპალიტეტის ადგილობრივი თვითმმართველობის წარმომადგენლები გაეცნენ.
უფასო სამედიცინო მომსახურების აქცია კასპის მუნიციპალიტეტის მერიის მხარდაჭერითა და „მედალფას ჰოსპიტალური ქსელის“ ორგანიზებით გაიმართა.
მუნიციპალიტეტის მერია თანამშრომლობისთვის „მედალფას ჰოსპიტალური ქსელის“ ხელმძღვანელობას მადლობას უხდის.
