კასპის მუნიციპალიტეტში საგზაო ინფრასტრუქტურის მოწყობის სამუშაოები აქტიურად მიმდინარეობს. მუნიციპალიტეტის მერი ვახტანგ მაისურაძე, მერის პირველი მოადგილე დავით ქისიშვილთან და საკრებულოს თავმჯდომარე შოთა ბეგლარაშვილთან ერთად, სოფელ მიქელწყაროში მისასვლელი გზის რეაბილიტაციის მიმდინარეობას ადგილზე გაეცნო.
ამ ეტაპზე დასრულებულია ნაკადმიმმართველი ღარების მოწყობა, ხოლო გზის მონაკვეთზე ასფალტ-ბეტონის საფარის პირველი ფენის დაგება მიმდინარეობს.
პროექტი 3 208 გრძივი მეტრი გზის რეაბილიტაციას ითვალისწინებს. სამუშაოების ფარგლებში მოეწყობა ეზოებში შესასვლელები, გზასთან მიერთებები, შეკეთდება საკომუნიკაციო ჭები და დაიგება ორფენიანი ასფალტ-ბეტონის საფარი.
პროექტის დასრულების შემდეგ ადგილობრივი მოსახლეობისთვის გადაადგილება უფრო უსაფრთხო და კომფორტული გახდება.
სამუშაოები გარდამავალი პროექტის ფარგლებში, ცენტრალური და კასპის მუნიციპალიტეტის ადგილობრივი ბიუჯეტების თანადაფინანსებით ხორციელდება.
