კასპის მუნიციპალიტეტში საგზაო ინფრასტრუქტურის მოწესრიგების მიზნით სამუშაოები აქტიურ რეჟიმში მიმდინარეობს.
ამ ეტაპზე რეაბილიტაციის პროცესშია სოფელ ხვითიდან სოფელ ლამისყანის საჯარო სკოლასთან და საბავშვო ბაღთან მისასვლელი გზა, სადაც სანიაღვრე არხების რკინა-ბეტონის კიუვეტებით მოწყობა მიმდინარეობს.
პროექტის ფარგლებში 1 558 გრძივ მეტრ გზაზე და ეზოში შესასვლელებზე ასფალტ-ბეტონის საფარი მოეწყობა.
საგზაო ინფრასტრუქტურის განახლება ცენტრალური და ადგილობრივი ბიუჯეტების დაფინანსებით ხორციელდება.
მიმდინარე სამუშაოებს ადგილზე გაეცნო კასპის მუნიციპალიტეტის მერი ვახტანგ მაისურაძე, საკრებულოს თავმჯდომარის მოადგილე ზურაბ ჩიტიშვილი და ადგილობრივი თვითმმართველობის წარმომადგენლები.
პროექტის დასრულების შემდეგ სოფელ ლამისყანის საჯარო სკოლასა და საბავშვო ბაღთან მისასვლელი გზა ადგილობრივი მოსახლეობისა და საგანმანათლებლო დაწესებულებების მოსარგებლეებისთვის უფრო კომფორტულ და უსაფრთხო გადაადგილებას უზრუნველყოფს.
