კასპში 14 წლის წინ დაკარგულ არჩილ არკადის ძე მუმლაურს ეძებენ. ამის შესახებ ინფორმაცია მისმა ბებიამ სოციალურ ქსელში გაავრცელა.
ოჯახის ინფორმაციით, არჩილი სახლიდან 14 წლის წინ გავიდა და მას შემდეგ მის შესახებ ინფორმაცია არ აქვთ.
„14 წლის წინ დაიკარგა ჩემი შვილიშვილი, არჩილი არკადის ძე მუმლაური. სახლიდან გავიდა და მას შემდეგ არაფერი ვიცით. გთხოვთ, დამეხმაროთ. ცხოვრობდა კასპში“, – წერს არჩილის ბებია.
ოჯახი საზოგადოებას სთხოვს, თუ ვინმეს არჩილ მუმლაურის შესახებ რაიმე ინფორმაცია აქვს, დაუკავშირდეს შესაბამის უწყებებს ან მის ახლობლებს.
