ქარელის მუნიციპალიტეტის სოფელ კოდაში ხელოვნურსაფარიანი მინი სტადიონის მოწყობის სამუშაოები დასრულდა. პროექტი ქარელის მუნიციპალიტეტის ადგილობრივი ბიუჯეტიდან დაფინანსდა.
სამუშაოების ფარგლებში მოეწყო ბეტონის საძირკველი და ზეძირკველი, სტადიონი შემოიღობა ლითონის კარკასზე დამაგრებული მოთუთიებული მავთულბადით, დაიგო თანამედროვე ხელოვნური საფარი, დამონტაჟდა ფეხბურთის კარები და კალათბურთის ფარები, ასევე მოეწყო გარე განათების სისტემა.
განახლებული სპორტული სივრცე ადგილობრივ მოსახლეობას, განსაკუთრებით კი ახალგაზრდებს, უსაფრთხო და თანამედროვე პირობებში სპორტისა და ჯანსაღი ცხოვრების წესის ხელშეწყობის შესაძლებლობას მისცემს.
სამუშაოები ინდივიდუალურმა მეწარმემ პაატა ხაჭაპურიძემ შეასრულა.
