ქარელის მუნიციპალიტეტის მერიამ უფასო კვების პროგრამით მოსარგებლე 90 ბენეფიციარს მარიამობის დღესასწაულთან დაკავშირებით ნობათი გადასცა.
სასურსათო ამანათები მუნიციპალიტეტში მცხოვრებ იმ მოქალაქეებს გადაეცათ, რომლებიც სოციალური მხარდაჭერის ფარგლებში უფასო კვების პროგრამით სარგებლობენ.
აქცია მიზნად ისახავს ბენეფიციარების მხარდაჭერას და მარიამობის დღესასწაულის მათთვის სასიამოვნო გარემოში აღნიშვნას.
მუნიციპალიტეტის მერია მომავალშიც გააგრძელებს სოციალურად დაუცველი და საჭიროების მქონე მოქალაქეების მხარდაჭერას.
