ფატი ფულარიანი 33 წლის განმავლობაში გორის თეატრში მოღვაწეობდა და 113 როლი განასახიერა. მსახიობს საქართველოს თეატრალური საზოგადოების თავმჯდომარემ, გიორგი გეგეჭკორმა, ვერიკო ანჯაფარიძის პრემია გადასცა.
გორის მერიის მხარდაჭერითა და დაფინანსებით ფესტივალი წელს მეორედ გაიმართა. ერთი კვირის განმავლობაში მაყურებელს სხვადასხვა თეატრის წარმოდგენები და შემოქმედებითი საღამოები შესთავაზეს.
ფესტივალის მიზანი გორში თეატრალური ცხოვრების გააქტიურება, თეატრალური ხელოვნების პოპულარიზაცია და თეატრებს შორის შემოქმედებითი თანამშრომლობის გაღრმავებაა.
