გორის მუნიციპალიტეტის პირველობა ფრენბურთში გორის VII საჯარო სკოლის გამარჯვებით დასრულდა. სკოლამ პირველი ადგილი როგორც გოგონათა, ისე ვაჟთა შორის დაიკავა.
ტურნირში გორის მუნიციპალიტეტის 20-ზე მეტი საჯარო სკოლის გუნდი მონაწილეობდა.
შეჯიბრის შედეგად საპრიზო ადგილები შემდეგნაირად გადანაწილდა:
გოგონები:
- I ადგილი — გორის VII საჯარო სკოლა;
- II ადგილი — ბერბუკის საჯარო სკოლა;
- III ადგილი — გორის IX საჯარო სკოლა.
ვაჟები:
- I ადგილი — გორის VII საჯარო სკოლა;
- II ადგილი — გორის IX საჯარო სკოლა;
- III ადგილი — გორის XII საჯარო სკოლა.
ფრენბურთის შეჯიბრება საქართველოს სასკოლო სპორტული ოლიმპიადის ფარგლებში გაიმართა. ოლიმპიადა ყოველწლიურად სპორტის რვა სახეობაში ტარდება.
გორის მუნიციპალიტეტში უკვე დასრულდა შეჯიბრებები გეზრბენში, მინი-ფეხბურთსა და ფრენბურთში, როგორც გოგონებს, ისე ვაჟებს შორის.
შეჯიბრებების ორგანიზატორები არიან გორის მუნიციპალიტეტის მერია, გორის მუნიციპალიტეტის სპორტის განვითარებისა და ხელშეწყობის სააგენტო და ფეხბურთის კლუბი „გორი“.
