გორის მუნიციპალიტეტის სოფელ ხიდისთავში სპორტული დარბაზის სარემონტო სამუშაოები მიმდინარეობს. სამუშაოების მიმდინარეობას გორის მუნიციპალიტეტის მერი კონსტანტინე ბუზალაძე ადგილზე გაეცნო.
შენობა გასულ წელს აშენდა. ამ ეტაპზე მიმდინარეობს შენობის ფასადის თბოიზოლაცია და მოსაპირკეთებელი სამუშაოები.
პროექტის ფარგლებში დაგეგმილია სპორტული დარბაზის კეთილმოწყობა, გათბობისა და ელექტრომომარაგების სისტემების მოწყობა, ასევე საქვაბის განახლება.
სამუშაოების დასრულების შემდეგ ხიდისთავის მოსახლეობას განახლებული და თანამედროვე სტანდარტების შესაბამისი სპორტული სივრცე ექნება.
სარემონტო სამუშაოების დასრულების შემდეგ შენობის ერთ ფლიგელში სოფლის ამბულატორია განთავსდება, რაც ადგილობრივ მოსახლეობას სამედიცინო სერვისებზე უფრო მარტივ და კომფორტულ წვდომას უზრუნველყოფს.
