12 აგვისტოს ხაშურში ახალგაზრდობის საერთაშორისო დღისადმი მიძღვნილი ღონისძიებები გაიმართება.
დღის განმავლობაში ახალგაზრდებისთვის დაგეგმილია სპორტული, გასართობი და კულტურული აქტივობები.
17:00 საათზე გაიმართება სპორტული აქტივობები — მინი ფეხბურთისა და ფრენბურთის ფინალური შეხვედრები. ღონისძიებები ხაშურის მუნიციპალიტეტის შესაბამის სივრცეებში ჩატარდება.
ასევე, 17:00 საათზე დაგეგმილია ჭადრაკის შეჯიბრება, ხოლო 18:00 საათზე — დამატებითი გასართობი და შემეცნებითი აქტივობები.
საღამოს 20:00 საათზე კულინარიისა და დასვენების პარკში გალა-კონცერტი გაიმართება, რომელშიც მონაწილეობას ადგილობრივი მუსიკოსები და მომღერლები მიიღებენ.
ღონისძიებების დასასრულს ახალგაზრდებისთვის მუსიკალური პროგრამა და DJ-ის შესრულება იქნება.
ახალგაზრდობის საერთაშორისო დღისადმი მიძღვნილი ღონისძიებების მიზანია ახალგაზრდებისთვის მრავალფეროვანი, საინტერესო და გასართობი გარემოს შექმნა.
