ხაშურში, ბექაურისა და თუმანიშვილის ქუჩებზე საგზაო ინფრასტრუქტურის მოწყობის სამუშაოები დასასრულს უახლოვდება.
მიმდინარე სამუშაოებს ხაშურის მუნიციპალიტეტის მერი პაატა ჩადუნელი, მერიისა და საკრებულოს წარმომადგენლებთან ერთად გაეცნო.
პროექტის ფარგლებში ორივე ქუჩაზე მოეწყო ახალი გზის საფარი, ტროტუარები და საგზაო მონიშვნები. როგორც მუნიციპალიტეტის მერიაში აცხადებენ, აღნიშნულ ქუჩებზე აქამდე ასფალტირებული გზა საერთოდ არ არსებობდა.
„როგორც ბექაურის, ისე თუმანიშვილის ქუჩებზე მოეწყო ახალი გზის საფარი, ტროტუარები და საგზაო მონიშვნები. მნიშვნელოვანია, რომ აღნიშნულ ქუჩებზე აქამდე ასფალტირებული გზა საერთოდ არ არსებობდა. განხორციელებული სამუშაოები ადგილობრივი მოსახლეობისთვის გადაადგილების პირობებს მნიშვნელოვნად გააუმჯობესებს, ქუჩებს კი უფრო კომფორტულსა და უსაფრთხოს გახდის“, – განაცხადა პაატა ჩადუნელმა.
ბექაურის ქუჩის კეთილმოწყობის პროექტი ადგილობრივი ბიუჯეტიდან ფინანსდება და მისი ღირებულება 733 777 ლარს შეადგენს.
თუმანიშვილის ქუჩის რეაბილიტაციისთვის კი 236 583 ლარია გამოყოფილი.
