კასპის მუნიციპალიტეტის ოკამის ადმინისტრაციულ ერთეულში, სოფელ თეზში, ხელოვნურსაფარიანი სპორტული მოედნის მშენებლობა მიმდინარეობს.
ამ ეტაპზე სპორტულ მოედანზე ასფალტ-ბეტონის საფარის მოწყობის სამუშაოები მიმდინარეობს. პროექტის დასრულების შემდეგ მოედანზე განთავსდება საკალათბურთო ფარი და ფეხბურთის კარი, დამონტაჟდება გარე განათების სისტემა და დაიგება ხელოვნური მწვანე ბალახის საფარი.
სამუშაოების მიმდინარეობას კასპის მუნიციპალიტეტის მერი ვახტანგ მაისურაძე, საკრებულოს თავმჯდომარე შოთა ბეგლარაშვილი და თვითმმართველობის წარმომადგენლები გაეცნენ.
როგორც ვახტანგ მაისურაძემ აღნიშნა, სპორტული ინფრასტრუქტურის განვითარება განსაკუთრებით მნიშვნელოვანია ახალგაზრდებისთვის.
„ჯანსაღი ცხოვრების წესის ხელშეწყობა და ახალგაზრდებისთვის უკეთესი პირობების შექმნა ჩვენი ერთ-ერთი მთავარი პრიორიტეტია“, – განაცხადა კასპის მუნიციპალიტეტის მერმა.
ახალი სპორტული სივრცე ადგილობრივ ახალგაზრდებს შესაძლებლობას მისცემს, სპორტით დაკავდნენ და აქტიური ცხოვრების წესი განავითარონ.
