ხაშურის მუნიციპალიტეტის ბიბლიოთეკაში ახალგაზრდებისთვის შეხვედრა თემაზე „გვერდებს შორის“ გაიმართა.
შეხვედრა 1 სექტემბერს ჩატარდა და მისი მიზანი ახალგაზრდებში წიგნის კითხვისა და არაფორმალური განათლების პოპულარიზაცია იყო.
ღონისძიების ფარგლებში ახალგაზრდებმა ერთმანეთს საყვარელი წიგნების შესახებ ინფორმაცია გაუზიარეს და ერთობლივად დაგეგმეს რამდენიმე საინტერესო აქტივობა.
მონაწილეებისთვის მოეწყო ისეთი რუბრიკები, როგორიცაა „გამოიცანი წიგნი ციტატით“, „წიგნის ასოციაცია“ და ინტელექტუალური ბლიც-კითხვები.
შეხვედრა ხაშურის მუნიციპალიტეტის ახალგაზრდული საბჭოს არაფორმალური განათლებისა და კულტურისა და სპორტის კომიტეტების წევრების ინიციატივითა და თანამშრომლობით გაიმართა.
ახალგაზრდული საბჭო თანატოლგანმანათლებელთა მხარდაჭერას და ახალგაზრდების საგანმანათლებლო და კულტურულ აქტივობებში ჩართულობის ხელშეწყობას აგრძელებს.
