15 წლის მოსწავლესთან გარყვნილ ქმედებაში დადანაშაულებული პედაგოგი ბრალდებებს უარყობს და ამბობს, რომ აღნიშნული სიცრუეა. ზურაბ ქარელი აცხადებს, რომ სასამართლოში მშობლების წინააღმდეგ სარჩელი შეაქვს და სიმართლეს გაარკვევს.  ის მინისტრთა კაბინეტის ერთ-ერთი წევრის ოჯახის ახლო ნათესავია. ზურაბ ქარელი ამტკიცებს, რომ დანაშაული არ ჩაუდენია და პროვოკაცია "ნაციონალებმა" მოუწყვეს.

შინაგან საქმეთა სამინისტროში ამბობენ, რომ გამოძიება სისხლის სამართლის კოდექსის 141-ე მუხლით მიმდინარეობს, რაც გარყვნილ ქმედებას გულისხმობს. ზურაბ ქარელი წარსულში სკოლის დირექტორი იყო,  მას მშობლები შეურაცხყოფის მიყენებაში ადანაშაულებდნენ. სკოლიდან კამერების ჩანაწერებიც ამოიღეს.