გორის მუნიციპალური ავტობუსი ავარიაში მოჰყვა
გორის მუნიციპალური ავტობუსი და მიკროავტობუსი ერთმანეთს შეეჯახნენ. შემთხვევა წმინდაწყლის დასახლებაში მოხდა. არსებული ინფორმაციით, დაშავებული არავინაა. დაზიანდა მუნიციპალური ავტობუსი. ტრანსპორტის სააგენტოში ამბობენ, რომ მოძრაობა ნახევარი საათით შეფერხდა და ამ წუთებში ყველა ავტობუსი ჩვეულ რეჟიმში მუშაობს. მომხდარზე ადმინისტრაციული სამართალწარმოება დაიწყო.
