ახალი სასწავლო წლის დაწყებასთან დაკავშირებით, დღეს გორის მწერალთა სახლმა უამრავ მოსწავლეს უმასპინძლა – ამის შესახებ ინფორმაციას დაწესებულება ავრცელებს.
მათივე ცნობით, მოსწავლეებს შესაძლებლობა ჰქონდათ, საყვარელ მწერლებს შეხვედროდნენ და მათთან ესაუბრათ. სტუმრებმა ასევე მონაწილეობა მიიღეს ვაჟა-ფშაველას პოემების ხელით გადაწერის პროექტში.
ღონისძიება მოსწავლეებისთვის შემეცნებით და საინტერესო აქტივობებს აერთიანებდა და ახალი სასწავლო წლის დაწყების აღნიშვნას ემსახურებოდა.
მწერალთა სახლი მოსწავლეებს ახალ სასწავლო წელს კიდევ ერთხელ ულოცავს და მათ საინტერესო, წარმატებულ და ნაყოფიერ სასწავლო წელს უსურვებს.
